Pasa den otsailaren 13an egin zen Inauterietako festaren aurkezpena, kartelaren aurkezpena egin eta festaren nondik norakoak azaldu ziren. Aurtengo Inauteriak “Olinpiadak” gaiarekin ospatuko dira Musika eta Dantza Eskolan.
Datorren otsailaren 28an, Zumaiako Musika eta Dantza Eskolako ikasle, guraso eta irakasleak, Musika Bandarekin batera, Ubillos Jauregitik abiatuko gara 17:30ean. Alde zaharra zeharkatu eta San Juan Iturritik behera Erribera kalera jaitsiko gara. Handik Beheko Plazara, eta han, emanaldi bat egingo dugu.
Festarako entsegu eta tailer batzuk antolatu ditugu. Animatu!
Kalejirarako entseguak:
– otsailak 24 (astelehena): 17:00etatik 17:30era, Torreberrin. Ikasle, guraso eta herritar guztientzat zuzendua.
– otsailak 27 (osteguna): 17:00etatik 17:30era, Torreberrin. Ikasle, guraso eta herritar guztientzat zuzendua.
Kalejiran erabiliko ditugun dominak egiteko tailerrak:
– otsailak 24 (astelehena): 17:45etik 18:45era, Ubillos Jauregian. Ikasle eta guraso guztientzat zuzendua.
– otsailak 25 (asteartea): 17:00etatik 18:00etara, Ubillos Jauregian. Ikasle eta guraso guztientzat zuzendua.
– otsailak 26 (asteazkena): 17:45etik 18:45era, Ubillos Jauregian. Ikasle eta guraso guztientzat zuzendua.
– otsailak 27 (osteguna): 17:45etik 18:45era, Ubillos Jauregian. Ikasle eta guraso guztientzat zuzendua.
Dantza ikastaroa:
– otsailak 18 (asteartea): 15:30etik 16:30era, Zumaiena Ikastolako gimnasioan. Ikasle heldu, irakasle eta guraso guztientzat zuzendua.
– otsailak 25 (asteartea): 19:00etatik 20:00etara, Zumaiena Ikastolako gimnasioan. Ikasle heldu, irakasle eta guraso guztientzat zuzendua.
Beheko Plazan elkarrekin dantza egingo dugu!
Gora Inauteriak! Gora Zumaia eta gora Olinpiadak!