943 86 11 83 musikaeskola@zumaia.eus

HEZKUNTZA ESKAINTZA

MUSIKA – DANTZA – ANTZERKIA – MUSIKOTERAPIA

MUSIKA

Musika gure bizitzan beti presente dugun tresna indartsua da, eta era berean, bere espresio eta emoziorako indarrari esker, aldaketak eragiteko oso baliabide indartsua.

Eskolaren helburua musikarekin gozatzea izango da, bakarka zein taldean, ikasleei hezkuntza musikal oso bat bermatzea, emozioak eragitea, sormena garatzea, sentsibilitatea piztea, eta bizipenetik musikarekin gozatzea. Musika ez da soilik kultura.

MUSIKA TAILERRA 3 urtetik 7 urtera

  • Helburuak: Umearen garapen psikomotorea. Musikarekiko sentiberatasuna garatzea. Instrumentuak ezagutzea: izaera, tinbrea, e.a
  • Edukiak: Musika jolasak, tresnekin jarduerak, mugimendua,entzunaldiak,…

tailerra haurrak

MUSIKA TAILERRA HELDUENTZAT

  • Helburuak: Autoestima eta emozioak bideratzen laguntzea. Zahartze aktibo bat bultzatzea, bizitza kalitatea hobetzea e.a.
  • Edukiak: Musika jolasak, tresnekin jarduerak, mugimendua, entzunaldiak…

tailerra helduak

MUSIKA MINTZAIRA

  • Helburuak: Instrumentua, dantza eta kantua espezialitateen helburuak garatzeko oinarrizko prestakuntza teoriko-praktikoa
  • Edukiak: Entzumen aktiboa, kode musikalak, kultura musikal orokorra, irakurketari eta idazketari buruzko ezagupenen arteko erlazioa, forma musikalak…

musika mintzaira

INSTRUMENTUAK

  • Helburuak: Instrumentuak ematen dituen aukerak ezagutzea eta musikarekiko sentiberatasuna eta gustua garatzea, modu atsegin eta hezigarrian, aukeratutako berezitasunean.
  • Edukiak: Instrumentuaren mekanikara hurbiltzea, aukera teknikoak ezagutu eta garatzea, interpretazioa, oroimena, sormena…
  • Berezitasunak:
      • Sinfonikoa: Perkusioa, Klarinetea, Zeharkako flauta, Saxofoia, Oboea,Bonbardinoa, Tronpa, Tronpeta, Tronboia, Tuba, Biolina eta Ahotsa

    Sinfonikoa

      • Tradizionala: Trikitixa, Txistua, Dultzaina eta Panderoa

    Tradizionala

    • Polifonikoa: Gitarra klasikoa, Akordeoia eta Pianoa
    • Askotariko joerak: Gitarra elektrikoa eta Baxua

TALDEAK

  • Helburuak: Talde lana estimatzea eta horretaz gozatzea, prestakuntza musikal eta instrumentalaren funtsezko alderdia den aldetik. Emanaldi publikoak egitea, interprete gisa bizipenak eta esperientziak bereganatzeko.
  • Edukiak: Taldearen araberakoak: Kantu korala, Banda Txikia, Konboak, Talde instrumentalak.

taldeak

HARMONIA

  • Helburuak: Harmoniaren oinarri teorikoak ezagutzea eta harmonizazio praktikoak egitea, lantzen ari den maila teorikoari dagokiona
  • Edukiak: Akordeak eratu eta zifratzea, harmonia diatoniko nagusia, akorde gutxituak, akorde-eskala erlazioa, truke modala, modulazioa…

INFORMATIKA MUSIKALA

  • Helburuak: Teknologia berrien aplikazioa musika alorrean. Partituren edizioa, musika sormena, grabazioak…
  • Edukiak: musescore, Band in a Box, OMBS, Cubase…

informatika musikala

 

INSTRUMENTUAK

  • Helburuak: Aurreko mailan ezarritako helburuei eusten zaie, eta pixkanaka haundituko dira ikasturte berrien zailtasunen arabera.
  • Edukiak: II.mailan landutako edukiak lantzen jarraitu eta ikasle bakoitzaren erritmoari egokituta zailtasun berriak gehituko dira: ikaslearen jotzeko askatasuna, interpretazioa, inprobisazioa, taldean jotzea…
  • Berezitasunak: II.mailako berdinak.

TALDEAK

  • Helburuak: II.mailakoak taldearen arabera haundituko dira
  • Edukiak: II.mailan landutakoak, taldearen arabera haundituko dira

TALDEA

  • Helburuak: Instrumentua, dantza eta kantua espezialitateen helburuak garatzeko oinarrizko prestakuntza teoriko-praktikoa
  • Edukiak: Taldearen araberakoak
musika adierazteko solen ikurra ikonoa

DANTZA

“Euskaldunak, Pirineoen bi aldeetan dantzan eta kantuan bizi diren herria dira” zioen Voltairek, eta ez zebilen oker. Izan ere, dantzak gure herrian duen garrantzia nabarmena da. Euskal kulturaren egunerokoan dantza bizi-bizi dago.

Eskolaren helburua dantzak bultzatzea izango da, eta ikasleei dantza horien oinarriak eta teknikak erakustea: erritmoak, psikomotrizitatea, arreta eta memoria landu, gure ondarearen ezagutza transmititu, gorputzaren ezagutzan lan egin eta talde lana sustatuko dira.

Dantza taldeetan sormena eta elkarrekintza sustatzen dira. Dantzariek lan egiten dutenean, elkarrekin koordinatzen dira, musika eta mugimenduen araberako adierazpena konpartitzen dute eta harremanak sortzen dituzte. Talde lana eta kolektibotasuna oso garrantzitsuak dira.
Dantzak ez du adinik eta edonork izango du dantzarako tartea.

EUSKAL DANTZA

  • Helburuak: Nork bere zentzu interpretatiboarekin dantzatzen ikasi eta dantzaren bitartez, sentiberatasun motorra eta adierazpen artistikoa garatzea.
  • Edukiak: Euskal Dantzetan oinarrituz, dantzen ezagutza eta garatzea, oinarrizko mugimenduak, pausuak…

euskaldantza 2

DANTZA GARAIKIDEA

  • Helburuak: Gorputzaren espresio librea lantzea, gorputz eta arima dantzan jartzea eta gozatzea.
  • Edukiak: Norberaren gorputzaren ezagutza lantzea, mugimenduak ezagutu…

EUSKAL DANTZA

  • Helburuak: Aurreko mailan ezarritako helburuei eusten zaie, eta pixkanaka haundituko dira ikasturte berrien zailtasunen arabera.
  • Edukiak: Taldearen araberakoak

DANTZA GARAIKIDEA

  • Helburuak: Aurreko mailan ezarritako helburuei eusten zaie, eta pixkanaka haundituko dira ikasturte berrien zailtasunen arabera.
  • Edukiak: Taldearen araberakoak
tanborraren ikonoa

ANTZERKIA

Antzerki eskola antzerki munduan hezi nahi duten pertsonentzako ikasbidea da. Antzerkia emozioak adierazteko, sormena garatzeko eta komunikazio gaitasuna hobetzeko modu aparta da. Helburu nagusia ikasleak antzerkian trebatzea eta euren adierazpide artistikoak garatzeko aukera ematea izango da.

Gorputz-adierazpena eta antzerki teknikak landu bitartean elkarlanean egingo dute lan eta momentu ederrak biziko dituzte.

ANTZERKIA

  • Helburuak: Nork bere zentzu interpretatiboarekin antzerkian ikasi eta antzerkiaren bitartez, sentiberatasun motorra eta adierazpen artistikoa garatzea. Emanaldi publikoak egitea, interprete gisa bizipenak eta esperientziak bereganatzea.
  • Edukiak: Hitz gabeko hizkuntza sustatu eta gorputzaren errekurtsoak aztertzea. Sormena garatzea. Antzerkia komunikazio tresna bat dela baliostea eta, aldi berean, autonomia pertsonala eta autoestima garatzea

Zumaiako Musika Dantza eta Antzerki Eskola

ANTZERKIA

  • Helburuak: Aurreko mailan ezarritako helburuei eusten zaie, eta pixkanaka haundituko dira ikasturte berrien zailtasunen arabera.
  • Edukiak: Taldearen araberakoak

Zumaiako Musika Dantza eta Antzerki Eskola

mikrofonoaren ikonoa

MUSIKOTERAPIA

Esperientzia musikalek (musika entzunaldiak, musika inprobisazioak, sormenak, musikarekin jolasteak…) aldaketa haundiak sor ditzakete pertsonengan. Iharduera musikal hauek zentzuak estimulatzeko erabiltzen dira, eta baita alderdi emozional eta sozialean murgiltzeko ere.

Alde batetik erantzun musikalen bidez ongizate emozionala eta funtzionamendu sozialeko arlo ezberdinak garatuko ditu musikoterapeutak; eta bestetik taldearen beharrak kontutan hartuz, musika saioak prestatuko ditu: inprobisaketa musikalak, audizioak, abesti desberdinei buruzko hausnarketak, sormena adierazteko iharduera desberdinak erabiliz. (marrazketa, dantza, mugimendua…)

Musikoterapian ez da bakarrik musika erabiltzen. Batzuetan, beste arte mota batzurekin ere nahasten da: marrazkiak, olerkiak, ipuinak, antzerkia…

  • Helburuak: Komunikazioa erraztea, musika entzun edo jotzean ideia edo sentimenduak elkartrukatuz, erlazio pertsonalak hobetzea, norberaren ezagutzaren areagotzea, autoespresioaren garatzea, askatze emozionala

Zumaiako Musika Dantza eta Antzerki Eskola